Månedarkiv for september, 2010

Side 2 av 2

Nordfjordeid

Publisert 7. september, 2010 i Friluftsliv. 0 kommentarer Stikkord: , , .

Nordfjordeid er ein plass eg ikkje har gått på fjelltur før. Så då klassekollega Rune tipsa meg om ein fin inngangsport til friluftsliv måtte eg berre kaste meg på. Turen går på (det eg tippar er) sørsida av Nordfjoreid, frå badeplassen Osvika og opp til Ossetra som ligg ved… you guessed it: Osvatnet :p Heile stien eg gjekk er forresten merka på kartet. Frå Ossetra (evt Ossætra som det står nokon plassar) gjekk eg langs ryggen av fjellet, bort til Skipenessetra, og deretter nedatt til sentrum. Frå Skipenessetra kan ein og gå til Trollenyken om ein har litt meir tid enn eg hadde til rådigheit. Ser ut som ein middels hard, men flott tur. Så kanskje neste gang ;)

Om du lurar på å gå turen, så vil eg anbefale å gå seint på dag, gjerne inn mot kvelden. Eg brukte ca 2,5 timar på heile turen frå start til slutt. Korleis dette vil være for deg som les dette, veit eg ikkje, men du kan nok sikte på ein plass mellom 2 og 2,5 timar, sjølv om infotavla i starten seier 1,5 timar. Bratt i starten og bratt ned på slutten. Grunnen til at eg vil anbefale kveldstur er at sola viser seg seint på opp og nedtur; ein går i ein nordvendt fjellside som er bratt og avsølt [tyder "som er, ligg på skuggesida, avsøles"]. Eg gjekk i skugge sjølv så seint som kl 14 på dagen. Bortsett frå at dette vart litt kaldt ein septembermorgon, så kan skugga være fin i slik bratt stigning. Sjølv likar eg best å gå i sol ;)

Sjølve turen langs ryggen på toppen har nokon fine utsikter! Men eg har nok vorte ein litt meir snaufjellmann, så eg trivest etterkvart best over tregrensa, med tilhøyrande utsikt. Turen over ryggen ligg under tregrensa og ein går dels i skog.

Alt i alt ein flott tur, og eg fekk anledning til å prøve ut min nyaste «patent» for å kunne kombinere motorsykling og fjellturar. Meir om det i eit anna innlegg ;)

Her er galleriet frå turen:

Kajakktur

Publisert 7. september, 2010 i Friluftsliv. 2 kommentarer Stikkord: , , , .

Denne helga var det overnattingstur med Herøy Kajakk Klubb (HKK), padleklubben eg har meldt meg inn i. Turen var lagt til vakre Snipsøyrvatnet utanfor Hareid sentrum, og med det flotte vêret vi har hatt her i det siste viste naturen seg frå si beste side! Bilda i galleriet nederst i inlegget viser kor flott me hadde det :)

Me hadde oppmøte kl 14.30 på Overåsanden og skulle pakke om her. Eg var spent, eg hadde ikkje møtt nokon av dei før! Ikkje eingang snakka med dei på telefon. Men «bekymringane» mine vart fort gløymt og det viste seg at eg ikkje var den einaste nye på den turen. Folk var pratsome og forklarte villig vekk om padling til nykommaren frå Volda. Flask, synest eg, for eg hadde berre eit 2,5 timers padlekurs bak meg. Ikkje mykje å slå i bordet med på ein langtur som denne. Nå vart ikkje turen like lang som eg frykta, vi padla til ein populær leiplass og brukte dette som utgangspunkt for padlinga. Så det vart stort sett å padle rundt det neset vi hadde leiren på. Men det var lærerikt nok for min del, og eg prøvde å snike til meg all den kunnskapen dei meir erfarne hadde.

Overnatting ute er skjelden feil, iallefall ikkje i ein slik vakker september, så vi vart sittande rundt bålet og skravle til ca 0200 før me fann til soveposane. Eg benytta også anledninga til å teste ut mitt nye Exped SynMat 7, og det passa perfekt inn i Hilleberg Akto-teltet mitt (det grøne teltet i galleriet). Våkna frisk og opplagt og klar for ein ny, varm leikedag i vatnet. Våtdrakta var på i 11-tida og kom ikkje av før turen vart avslutta i 18-tida. Herlig måte å bruke helga på! Lærte masse, vart kjend med mykje kjekke folk og fekk utnytte vêret til det fulle :)

Turen frista absolutt til gjentagelse, og HKK har klubbturar søndagar gjennom heile året. Om ikkje alle søndagar, så iallefall ofte nok for meg.

Lesesal med utsikt!

Publisert 6. september, 2010 i Friluftsliv. 0 kommentarer Stikkord: , , , , , .

For å utnytte det flotte seinsommar-været me har her oppe, så tok eg med meg ei pensumbok og gjekk på Melshornet for å få lese(fred). Voldas flottaste lesesal ser slik ut (diverre med mobilkamera-kvalitet):

Så no e det nok berre leselysta som setter begrensingar ;)